ఎంతకాలమని ఏడుస్తాం?
రావణకాష్టంలా రగులుతున్న భారతిని చూసి
రక్తసిక్తమై పడివున్న సోదరుల్ని చూసి
ఇంకెంతకాలం సహిస్తాం..?
ఇది కష్టమో, నష్టమో, ఆ పైవాడికి మనపై అయిష్టమో
శాపమా, పాపమా లేక చేతకాని మన అవిటితనమా .?
ఒంట్లో ఉన్నది చీమూ నెత్తురేనా ? ప్రవహిస్తున్నదంతా మతపు మత్తుమందేనా..?
ఆవేశం తప్ప ఆలొచన లేదా..? మతం తప్ప మానవత్వం లేదా..?
దావానలంలా వ్యాపిస్తున్న ఈ రాక్షస క్రీడకి అంతం లేదా..?

మారణ హొమంతో ఇంకెన్నాళ్ళు మేల్కొంటాం..?
రక్తపు మరకలపై ఇంకెంత కాలం నడుస్తాం..?

ఆత్మశోధనతో, అంతుబట్టని అరణ్యకాండకి అంతం పలకాలి.
మాకో కొత్త శరీరం కావాలి..

కులమతాల రంగులు లేని, అధికార దాహం లేని
ధనమంటే మక్కువలేని దేహం...
ప్రాణాలు తప్ప విశ్వాసాలు సజీవమంటూ
సౌభ్రాత్రుత్వపు విలువలు చావలేదంటూ,
కర్తవ్య నిర్వహణ మరువలెని దేహం..

రొమ్ముచూపే దమ్ములున్న దేహం, మనిషిని మనిషిగా చూసే దేహం.

మాకొ కొత్త శరీరం కావలి...
మమ్మల్ని మళ్ళీ పుట్టించు.. .ఇప్పుడైనా ఒక మానవ ప్రపంచంలో ...!!

"Woman too has a body; it needs exercise. She has a brain; it needs knowledge. She has a heart; it needs experience"

Thanks for all the women, who have been a part of my life and supports me as a mother, sister, wife, daughter and as my friend. Being a woman is the greatest achievement one can have on the earth. I owe you all..

HaPPy WomEn's DaY ...

వినీలాకాశపు అంచుల్లోంచి అలా తొంగి తొంగి చూస్తున్నావు..
నీలి సంద్రపు లోతుల్లో నా హృదయపు జాడలు గుర్తించావా ప్రియతమా..??

నిశ్శబ్ధ రాగాల మౌన ప్రపంచంలో
నువ్వూ- నేను ఓ కొత్త సంగీతం ...!!!

అంకితం ..

మేఘం కరగట్లేదు... వర్షం కురవట్లేదు..,
నీ ఆలొచనల మద్య నేనింకా తడుస్తూనే ఉన్నా..!
అలల ప్రవాహంలో కన్నీరు కలుస్తూందే కానీ,
కలల ప్రవహం నుంచి కనులముందు సాక్షాత్కరించవూ..!!
నీవులెని సాయంత్రాలు-
మకరందాలూ, పరిమళాలూ వుండవు
అవశేషాలు తప్ప.
ఇపుడు మనసొక ప్లాస్టిక్ పూలతొట.

ఎవరికి తెలుసు? అంతఃసంఘర్షణలు..
నిన్నొక్కసారి కొల్పోడానికి
నన్ను నేనెన్నిసార్లు కోల్పోతున్నానో..!!
ఇపుడు క్షణమొక యుగం,
ప్రతి క్షణం లొ వివిధ 'నీవు ' లు.
మనిద్దరం కాలంతొపాటు ప్రయాణిస్తున్నాం..
ఒక క్షణం నుంచి మరో క్షణానికి,
ఒక జీవితం నుంచి మరో జీవితానికి.

అలా ఎంత కాలం గడిచిందో తెలీదు-..
. నా దేహం నీ ఒళ్ళొ కలగంటూ నిద్రిస్తూంది.
నీ ఒళ్ళో నా స్వప్నాల మధ్య నీవున్నావు..!
ఇపుడు రెందు జీవితాలు ప్రేమలో చిక్కుకున్నాయి
ఒక హ్రుదయంలో మరొకటి..
ఇక దాచుకోడానికి ఏమీలేదు..

పంచుకోడానికి ప్రేమ తప్ప..

జ్ఞాపకం..

ఇది నా చెలి జ్ఞాపకం....
ఒక్కోసారి ఒక్కోలా కవ్వించే నా చెలి గుర్తు జ్ఞాపకం..

నా రాకకోసం కోసం ఇన్నాళ్లుగా వేచిసుస్తున్న పదహారణాల పిచ్చిప్రేమ జ్ఞాపకం ,.
నీతో గడిపిన ఒక్కో క్షణం..ఒక్కో మధుర ఘట్టం..!!

నీతో గడిపినా ఆ సాయంత్రాలన్నీ ఇలాగే ఘనీభవించాలి..
ఆ ఆనందం దోసిళ్ళతో వొంపుకోవాలి .

ప్రియతమా..ఎక్కడున్నా..ఏం చేస్తున్నా నీ ఆలోచనల మధ్య నలుగుతూన్న
నా మనసు నుండి జాలువారిన ప్రేమ కావ్యం ఇది...!!

స్వీకరించు.....